Информационные ресурсы
Дзень роднай мовы
21 лютага ў ліцэі адбыліся ўрачыстасці, прысвечаныя Дню роднай мовы.
На працягу ўсяго дня вучні і настаўнікі малі магчымасць паслухаць беларускія песні на словы знакамітых класікаў беларускай літаратуры. Кожнаму вучню і супрацоўніку ліцэя раздаваліся рамонкі, на пялёстках якіх былі напісаны беларускія словы.
А трынаццатай гадзіне ў актавай зале прайшла літаратурна-музычная кампазіцыя «Мой народ зберагае сваю даўніну…», у якой прынялі ўдзел вучні 10-11 класаў.
Увесь дзень у ліцэі можна было пачуць беларускую гаворку. Нават на перапынках вучні размаўлялі выключна па-беларуску, беручы прыклад з настаўнікаў. Беларускае слова аб’яднала ўсіх! І так хочацца пагадзіцца са словамі Алеся Ставера:
Дык чаруй жа людзей паміж моваў другіх
І гучы вечна, ярка і нова
Мова продкаў маіх і нашчадкаў маіх –
Беларуская родная мова!
