Информационные ресурсы
Абласны конкурс рытарычнага майстэрства “Гавары са мной па-беларуску”
8 снежня на базе дзяржаўнай установы адукацыі “Гімназія № 36 г.Гомеля імя Івана Мележа” прайшоў абласны конкурс рытарычнага майстэрства “Гавары са мной па-беларуску”, у якім прынялі ўдзел 57 навучэнцаў IX-XI класаў устаноў агульнай сярэдняй адукацыі.
У ліку ўдзельнікаў былі і прадстаўнікі нашага ліцэя – Лісіменка Лада, вучаніца 10 “Г” класа, Каляда Анастасія, вучаніца 11 “Г” класа, дыпламанты I ступені другога этапу рэспубліканскай алімпіяды па вучэбных прадметах “Беларуская мова” і “Беларуская літаратура”.
Конкурс складаўся з трох тураў. У першым туры удзельнікі прадставілі загадзя падрыхтаванае мультымедыйнае эсе. У другім туры пасля 15 - мінутнай падрыхтоўкі канкурсанты выказваліся на адну з дзвюх прапанаваных тэм, адказвалі на пытанні журы. Трэці тур “Выкажы сваю думку” праходзіў у вуснай форме без папярэдняй падрыхтоўкі па прапанаваных цытатах.
Пераможцамі конкурсу сталі 25 навучэнцаў, у ліку якіх і нашы таленавітыя дзяўчынкі.
ВІНШУЕМ
з перамогай у абласным конкурсе рытарычнага майстэрства
“Гавары са мной па-беларуску”
ЛІСІМЕНКА ЛАДУ і КАЛЯДУ АНАСТАСІЮ,
а таксама настаўніцу беларускай мовы і літаратуры
СВЯТЛАНУ АЛЯКСАНДРАЎНУ ХАРЫТОНЧЫК.
Жадаем далейшых поспехаў!
