Информационные ресурсы
Міжнародны дзень роднай мовы
Штогод 21 лютага ва ўсім свеце адзначаецца Міжнародны дзень роднай мовы. Свята гэтае, абвешчанае 17 лістапада 1999 года на 30-й сесіі ЮНЕСКА, накіраванае на заахвочванне моўнай разнастайнасці і шматмоўнай адукацыі і спрыяе ўсведамленню моўных і культурных традыцый, якія засноўваюцца на ўзаемаразуменні, памяркоўнасці і дыялогу.
У ліцэі 20 лютага прайшла інфармацыйная гадзіна “Неўміручасць народа – ў яго мове”. Вучні 10 «Б», 10 «В», 10 «Г», 11 «Б» пазнаёмілі ліцэістаў з цікавымі фактамі і звесткамі пра беларускую мову, пра творчасць вялікіх пісьменнікаў Ф. Багушэвіча, К. Чорнага, П. Броўкі, у. Караткевіча, Р. Барадуліна, юбілеі якіх мы святкуем у гэтым годзе. Мілагучная беларуская мова гучала ў вершах і песнях. Вядучыя звярнуліся да вучняў і педагогаў з прапановай размаўляць па-беларуску ў Міжнародны дзень роднай мовы – 21 лютага. На наступны дзень была праведзена інфармацыйная акцыя «Наша мова – для размовы». Для ліцэістаў і педагогаў гучалі беларускія песні ў выкананні Ломач Ангеліны, Дубінінай Веры, Свірыдавай Лізаветы, а таксама кожнаму жадаючаму вучню і настаўніку быў падараваны папяровы бранзалет з беларускім арнаментам.
